رئيس مجلس الادارةعبير عيد سليمان
رئيس التحريرصلاح عبد المنعم

كين و اندرتيكر مش اخوات و فاندام بتاع المصارعه مش فاندام بتاع السينما

كين و اندرتيكر مش اخوات و فاندام بتاع المصارعه مش فاندام بتاع السينما

كتب |محمد علاء

من أكتر حاجات العرب والمصريين مش فاهمينها .. كين واندرتيكر مش اخوات .. الفكرة كلها ان المصارعة عرض ترفيهي بمعنى سيناريو بيتكتب والمصارعين بيأدوه كأنه مسلسل “بمعنى مسلسل رياضي أسبوعي”
العالم كله عارف كدة عادي “إلا أحنا”
فكرة انهم يعملوهم أخوات كانت في التسعينات لما الأتحاد كان هيفلس فقرروا يعملوا فكرة ان أبو أندرتيكر “بول بيرر” أتجوز أم كين والأتنين أكتشفوا أنهم أخوات وبقوا فريق واحد
طبعا الكلام ده كله تمثيل كأنه مسلسل وبول بيرر مش ابوه في الحقيقة أبوه في المصارعة التمثيل بس
زي كدة عماد حمدي وعبد الحليم حافظ في فيلم الخطايا

من الحاجات اللي أتربينا عليها أن فاندام بتاع المصارعة هو أخو فاندام بتاع الأفلام .. في الحقيقة الاتنين مالهمش اي علاقة ببعض
فاندام الأصلي هو بتاع الأفلام ومن بلجيكا وعمره 54 سنة
أما فاندام بتاع المصارعة فخاد الأسم بسبب الشبه بينه وبين فاندام وعمره 44 سنة ومن أمريكا
ربنا يرحم الكابتن ممدوح فرج كان دايما يقولنا أنهم اخوات وتوأم

جاك نيكلسون كبر وهو بيعتقد أن أمه هي أخته وان جدته هي أمه .. في ناس قروا المعلومة من قبل بس مافهموش هنشرحلكوا .
الفكرة ان امه وجدته كانوا عاملين بيت للمتشردين والأيتام وكانت جدته صاحبة البيت وامه بيسموها الأخت الكبرى وخلفته في سن صغيرة فهو لما كبر بقى يناديها بالأخت زي باقي النزلاء.. وينادي جدته بأمي .. لما وصل 37 سنة أمه فهمته انها أمه مش أخته زي ما كان فاكر وان امه هي جدته

شارك برأيك وأضف تعليق

جميع الحقوق محفوظه لموقع جريدة الحلم العربي نيوز | تطوير المركز العالمي لحماية التجارة الالكترونية 2020 ©