رئيس مجلس الادارةعبير عيد سليمان
رئيس التحريرصلاح عبد المنعم

الشاعر “مينا وجيه” يكتب |..”في حب مصر”

الشاعر “مينا وجيه” يكتب |..”في حب مصر”

لما تصحي علي الاذان

وتلقي السما مليانه طيور

طاير تغرد في كل مكان

تملي الدنيا فرح وسرور

ولما تمشي في شارع فيها

وانت رافع راسك وفخور

فرحه انا مهما احكي عليها

مش هيكفيها ايام وشهور

ولما تلاقي ليلها جميل

ونفسك مره تشوف النيل

ومهما تلف ومهما تدور

مش بتلاقي ليها بديل

ف انجيل وقرأن مذكوره

علشان كده دايما منصوره

و كل الدنيا بتيجي ليها تفرح

و تاخد فيها الصوره

فاكر لما كنت

تسمع غنوه ف مدرستك

في الطابور وكلك حنين

بتحكي قصة عن حبيبتك

عايشين فيها بقالنا سنين

ورفع العلم ويا التحيه

والفرحه ماليه الوشوش

ويا كلمة حب جايه

وادخلوها امنين متخافوش

هي دي مصر الي بجمالها

حيرت وسحرت كل الكون

احميها واحفظها يارب

انت بتقول للشيئ كون ف يكون

شارك برأيك وأضف تعليق

جميع الحقوق محفوظه لموقع جريدة الحلم العربي نيوز | تطوير المركز العالمي لحماية التجارة الالكترونية 2020 ©